Photo · www.osnepal.com
काठमाडौंको नेपाल पर्यटन बोर्डमा आयोजित तेस्रो कर्णाली अन्तर्राष्ट्रिय चलचित्र महोत्सव २०८३ मा ‘ऊनको स्वीटर’ उत्कृष्ट फिचर फिल्म घोषित भएको छ । सोही चलचित्रबाट विपिन कार्कीले उत्कृष्ट अभिनेता र जसिता गुरुङले ‘जेरी अन टप’बाट उत्कृष्ट अभिनेत्रीको अवार्ड जितेका छन् । अभिनेता पल शाहलाई ‘सोसियल आइकन एक्टर अवार्ड’ प्रदान गरिएको छ ।
सोम गुरुङको नयाँ लोक-पप गीत ‘चौंरीको गोठ’ सार्वजनिक
गायक सोम गुरुङले नयाँ लोक-पप गीत ‘चौंरीको गोठ’ सार्वजनिक गरेका छन्। यो गीतले नेपाली पहाडी जनजीवन, प्रेम र मौलिक संस्कृतिलाई समेटेको छ। गीतमा प्रेमीको निष्कपट प्रेम र समर्पणलाई भावुक ढंगले चित्रण गरिएको छ।
चलचित्र ‘काजी’को असारे गीत ‘ज्यानको तिर्खा’ सार्वजनिक, दर्शकबाट राम्रो प्रतिक्रिया
देशव्यापी प्रदर्शनरत चलचित्र ‘काजी’को असारे गीत ‘ज्यानको तिर्खा’ सार्वजनिक गरिएको छ। प्रशान्त सिवाकोटीको शब्द तथा संगीत रहेको यो गीतमा रचना रिमाल र सिवाकोटीकै स्वर सुन्न सकिन्छ। चलचित्रले प्रदर्शनको सुरुवाती चरणमा दर्शकबाट राम्रो प्रतिक्रिया पाइरहेको छ।
श्याम प्रसाद सुवेदीको ‘आधा नेपाली आधा भोजपुरी’ गीतको म्युजिक भिडियो सार्वजनिक
गायक श्याम प्रसाद सुवेदीको नेपाली र भोजपुरी भाषाको समिश्रणमा तयार पारिएको नयाँ गीत ‘आधा नेपाली आधा भोजपुरी’ को म्युजिक भिडियो सार्वजनिक भएको छ। सर्जक विजेन्द्र नौबागेको प्रमुख आतिथ्यतामा सम्पन्न कार्यक्रममा पत्रकार, कलाकार तथा विभिन्न क्षेत्रका प्रतिष्ठित व्यक्तित्वहरूको उपस्थिति थियो। गीतको शब्द, संगीत तथा स्वर स्वयं गायक सुवेदीकै रहेको छ भने संगीत संयोजन सन्तोष प्रगाढले गरेका छन्।
बलिराम चौहानले नयाँ चलचित्र ‘ल्याङ्ग ल्याङ्ग’ निर्माणको घोषणा गरे
निर्देशक बलिराम चौहानले आफ्नो नयाँ चलचित्र ‘ल्याङ्ग ल्याङ्ग’ निर्माणको घोषणा गरेका छन्। स्काइफल पिक्चर्सको प्रस्तुति रहने यस चलचित्रको नारा ‘हरेक युवाको कथा’ राखिएको छ। चलचित्रको कथा बलिराम चौहान र उपश्री खतिवडाले मिलेर लेखेका छन्।
