Photo · prasashan.com
शिक्षा तथा खेलकुद मन्त्रालयले ‘प्राविधिक तथा व्यावसायिक तालिमसम्बन्धी संशोधन र एकीकरण गर्न बनेको विधेयक’माथि सरोकारवाला र सर्वसाधारणसँग सुझाव मागेको छ। गुणस्तरीय प्राविधिक शिक्षा र सीप विकासको अवसरलाई पहुँचयोग्य बनाउँदै यसलाई श्रम, रोजगारी, उत्पादन र समृद्धिसँग आबद्ध गर्ने उद्देश्यले यो विधेयक ल्याउन लागिएको हो। यस विधेयकले हाल कार्यान्वयनमा रहेको ‘प्राविधिक शिक्षा तथा व्यावसायिक तालिम परिषद् ऐन, २०४५’ लाई खारेज गर्ने प्रस्ताव गरेको छ।
नेपाल संस्कृत विश्वविद्यालयमा पदाधिकारी नियुक्ति प्रक्रिया सुरु
सरकारले नेपाल संस्कृत विश्वविद्यालयका उपकुलपति, शिक्षाध्यक्ष र कुलसचिवको रिक्त पदहरूमा नियुक्तिका लागि प्रक्रिया सुरु गरेको छ। यसका लागि छनोट तथा सिफारिस समितिले १० दिनभित्र दरखास्त आह्वान गरेको छ। पारदर्शिता, योग्यता प्रणाली र निष्पक्षतालाई बलियो बनाउन नयाँ कार्यविधि बमोजिम पदाधिकारी छनोट गरिनेछ।
एनआईसी एशिया बैंकद्वारा धनुषाको विद्यालयलाई शैक्षिक सामग्री सहयोग
एनआईसी एशिया बैंकले आफ्नो संस्थागत सामाजिक उत्तरदायित्वअन्तर्गत धनुषा जिल्लाको महेन्द्रनगरस्थित श्री दुधमती राष्ट्रिय प्राथमिक विद्यालयलाई विभिन्न शैक्षिक सामग्री सहयोग उपलब्ध गराएको छ। विद्यार्थीहरूको पठनपाठनलाई सहज बनाउने उद्देश्यले बैंकले झोला तथा अन्य शैक्षिक सामग्री हस्तान्तरण गरेको हो।
विश्वविद्यालय पदाधिकारीको पुनः नियुक्तिले शिक्षा नीतिमा स्पष्टता नभएको विज्ञहरूको विश्लेषण
सरकारले विभिन्न विश्वविद्यालयका पदाधिकारीलाई पदमुक्त गर्ने निर्णय गरेपछि केही विश्वविद्यालयमा पदमुक्त भएकालाई नै पुनः नियुक्ति गरिएको छ। यसले सरकारको शिक्षा क्षेत्रमा नीति स्पष्ट नभएको विज्ञहरूको विश्लेषण छ। शिक्षा मन्त्रालयले पूर्वाञ्चल विश्वविद्यालयका पदमुक्त उपकुलपति प्रा.डा. बिजुकुमार थपलियालाई पुनः नियुक्ति दिएको छ।
सिद्धार्थ बैंकले तनहुँका १२ सामुदायिक विद्यालयलाई स्मार्ट बोर्ड हस्तान्तरण गर्यो
सिद्धार्थ बैंक लिमिटेडले गण्डकी प्रदेशको तनहुँ जिल्लाका १२ सामुदायिक विद्यालयहरूलाई इन्टरएक्टिभ डिस्प्ले स्मार्ट बोर्ड हस्तान्तरण गरेको छ। शिक्षामा सूचना तथा सञ्चार प्रविधिको प्रयोगलाई प्रवर्द्धन गर्दै सामुदायिक विद्यालयका विद्यार्थीहरूलाई आधुनिक तथा गुणस्तरीय शिक्षासँग जोड्ने उद्देश्यले यो सहयोग गरिएको हो। यस पहलबाट प्रत्येक वर्ष करिब १५ सयभन्दा बढी विद्यार्थी लाभान्वित हुने अपेक्षा गरिएको छ।
