Photo · www.setopati.com
अर्थमन्त्री डा. स्वर्णिम वाग्लेले नेपाललाई सम्पत्ति शुद्धीकरणसम्बन्धी 'ग्रे लिस्ट'बाट बाहिर निकाल्न सरकारले सबै सम्भव उपाय अवलम्बन गर्ने प्रतिबद्धता व्यक्त गरेका छन्। एसिया प्यासिफिक ग्रुप अन मनी लाउन्डरिङ (एपीजी) अन्तर्गतको इन्टरनेसनल कोअपरेसन रिभ्यु ग्रुप (आइसिआरजी) को कार्ययोजनाबारे छलफलमा अर्थमन्त्री वाग्लेले प्रधानमन्त्रीको नेतृत्वमा सरकार सुशासन र विकासमा केन्द्रित रहेको बताए। यद्यपि, एपीेजीका उपकार्यकारी सचिव डेभिड स्यान्ननले नेपालले ग्रे लिस्टबाट बाहिरिन अझै पर्याप्त काम गर्न बाँकी रहेको टिप्पणी गरेका छन्।
जायोडिन बायोटेकले क्यान्सर औषधिको कच्चा पदार्थ उत्पादन गरी भारत निर्यात गर्यो
जायोडिन बायोटेक उद्योगले चितवनको भरतपुरमा क्यान्सरको औषधिमा प्रयोग हुने कच्चा पदार्थ उत्पादन सुरु गरेको छ । उद्योगले प्रशोधित कच्चा पदार्थ भारत निर्यात गर्न थालेको छ । यसअघि नेपालमा आयात हुँदै आएको क्यान्सर औषधिको कच्चा पदार्थ स्वदेशमै उत्पादन गरी निर्यात गर्न थालिएको हो ।
सहकारीमा बेथिति जाँचबुझ आयोगको प्रतिवेदन सार्वजनिक, कमजोर नियमनले जनविश्वास गुमेको निष्कर्ष
सहकारी क्षेत्रमा वित्तीय अनियमितता, बचतकर्ताको रकम दुरुपयोग र कमजोर नियमनका कारण जनविश्वास कमजोर बन्दै गएको निष्कर्षसहितको 'सहकारीमा भएको बेथिति जाँचबुझ आयोग, २०८२' को प्रतिवेदन सार्वजनिक भएको छ। प्रतिवेदनले सहकारी संस्था दर्ता, कार्यक्षेत्र विस्तार र शाखा थप गर्ने क्रममा पर्याप्त अध्ययन तथा मापदण्डको पालना नहुँदा धेरै सहकारी समस्याग्रस्त बनेको औँल्याएको छ।
.jpg)
चीनले कर्णालीको चुत्रो र गुर्जो प्रशोधन गरी निर्यात गर्ने
सुर्खेतमा स्थापना भएको चिनियाँ कम्पनी युव्यान बायोटेक्नोलोजी प्रालिले कर्णाली प्रदेशका विभिन्न जिल्लाबाट संकलित चुत्रो र गुर्जो प्रशोधन गरी चीन निर्यात गर्न थालेको छ। कम्पनीले किसानबाट प्रतिकिलो चुत्रोको डाँठजरा ५५ रुपैयाँ र गुर्जो २५ रुपैयाँमा खरिद गरिरहेको छ। यसबाट स्थानीय किसानका लागि आम्दानीको राम्रो स्रोत सिर्जना भएको छ।
नागरिक लगानी कोष र नबिल बैंकबीच कर्मचारी अवकाश कोष व्यवस्थापन सम्झौता
नागरिक लगानी कोष र नबिल बैंक लिमिटेडबीच बैंकका कर्मचारीहरूको योगदानमा आधारित वा अन्य अवकाश कोषको व्यवस्थापन गर्न सम्झौता भएको छ। यस सम्झौता अन्तर्गत कोषले बैंकका कर्मचारीहरूको व्यक्तिगत खाता तयार गरी अभिलेख राख्नेछ र सेवा निवृत्त कर्मचारीलाई अवकाश रकम भुक्तानी गर्नेछ।
