गायिका ईश्वरी बरालको नयाँ लोकलयको गीत ‘दही दिन्छु मोही दिन्छु’ सार्वजनिक

काठमाडौं महानगरपालिका वडा नम्बर ६ को आयोजनामा आगामी जेठ २३ गते ‘बौद्ध महोत्सव २०८३’ आयोजना हुने भएको छ। “हाम्रो संस्कृति, हाम्रो उत्सव” भन्ने नाराका साथ सञ्चालन हुने यस महोत्सवले बौद्ध क्षेत्रको धार्मिक, सांस्कृतिक तथा ऐतिहासिक सम्पदाको प्रवर्द्धन गर्ने लक्ष्य राखेको छ। वडा अध्यक्ष भुवन लामाका अनुसार यो महोत्सव बौद्ध क्षेत्रको संस्कृति, पर्यटन, स्थानीय व्यवसाय र समुदायलाई जोड्ने साझा अभियान हो।

उच्च अदालत पाटनले नेपाली चलचित्र ‘लालीबजार’ मा प्रयोग गरिएका आपत्तिजनक शब्दहरूलाई हटाएर मात्र प्रदर्शन गर्न आदेश दिएको छ। सामाजिक अभियान्ता रोशनी नेपालीले वादी समुदायको आत्मसम्मानमा ठेस पुग्ने गरी चित्रण गरिएको भन्दै फिल्म प्रदर्शन रोक्न माग गर्दै रिट दायर गरेकी थिइन्। अदालतले ‘वादी’, ‘राजासाबकोमा चलाउने प्रसाद’ र ‘राजाको सामान’ जस्ता शब्दहरू नसुनिने (म्युट) बनाएर मात्र प्रदर्शन गर्न भनेको छ।

सिक्किमकी युवा फिल्म निर्देशक त्रिवेणी राईको डेब्यु फिचर फिल्म ‘सेप अफ मोमो’ जेठ १५ गतेदेखि नेपाल र भारतमा एकसाथ प्रदर्शनमा आउने भएको छ। भारतीय अभिनेता तथा निर्माता राना दगुबत्तीको स्प्रिट मिडियाले फिल्मको प्रदर्शनमा सहयोग गरिरहेको छ भने जोया अख्तर र रिमा काग्ती जस्ता फिल्मकर्मीहरू कार्यकारी निर्माताको रूपमा छन्। यो फिल्मले सिक्किमको हिमाली गाउँको पृष्ठभूमिमा तीन पुस्ताका महिलाको जीवन, सम्बन्ध र पहिचानको कथा प्रस्तुत गर्छ।

गत शुक्रबारदेखि प्रदर्शनमा आएको नेपाली चलचित्र ‘मीतज्यू’का मुख्य कलाकार दयाहाङ राई, तेरिया फौजा मगर र निर्देशक अनिल बुढा मगरसहितको टोली दर्शकको प्रतिक्रिया बुझ्नका लागि नेपालगञ्ज, दाङ र बुटवलतर्फ मोफसल दौडाहामा निस्किएको छ। राजधानीका हलहरूमा दर्शकको प्रतिक्रिया लिएपछि निर्माण टोलीले मोफसलका हलहरूमा दर्शकसँगै बसेर फिल्म हेर्ने कार्यक्रम रहेको छ।