Photo · taksarnews.com
उद्योग, वाणिज्य तथा आपूर्तिमन्त्री गौरी कुमारीले अधिकतम खुद्रा मूल्य (एमआरपी) कार्यान्वयनमा देखिएको अन्यौलता हटेको र भारतमा चिया निर्यातमा देखिएको अवरोध समाधान भएको दाबी गरेकी छन्। उनले सरोकारवालासँगको समन्वयबाट एमआरपी कार्यान्वयन सहज बनेको र चिया निर्यात समस्या दीर्घकालीन रूपमा समाधान गर्न कूटनीतिक पहल भइरहेको प्रतिनिधिसभा बैठकमा जानकारी दिइन्।
अर्थमन्त्री वाग्लेले आर्थिक वर्ष २०८२/८३ को आर्थिक सर्वेक्षण संसदमा प्रस्तुत गरे
अर्थमन्त्री डा. स्वर्णिम वाग्लेले आर्थिक वर्ष २०८२/८३ को आर्थिक सर्वेक्षण संघीय संसदका दुवै सदनमा प्रस्तुत गरेका छन्। आगामी आर्थिक वर्षको बजेट प्रस्तुत हुनुअघि चालु आर्थिक वर्षको प्रगति र सरकारका काम कारबाही समेटिएको यो सर्वेक्षण सार्वजनिक गरिएको हो। यसमा सार्वजनिक संस्थानको विवरण पनि समावेश छ।
अर्थमन्त्री वाग्लेद्वारा सार्वजनिक ऋण र बजेट आकारबारे महत्त्वपूर्ण संकेत
अर्थमन्त्री डा. स्वर्णिम वाग्लेले नेपालमा सार्वजनिक ऋणको आकार तीव्र रूपमा बढिरहेको र आगामी आर्थिक वर्ष २०८३/८४ को बजेट कृत्रिम रूपमा ठूलो नबनाइने बताएका छन्। अर्थ मन्त्रालयले सीमित स्रोत साधनको बाध्यतामा बजेट निर्माण गरिरहेको र अब खर्च गर्न सक्ने क्षमताअनुसार बजेट ल्याइने उनको भनाइ छ।
बैद्यज अर्गनाइजेसन अल्ट्राभोइलेटको आधिकारिक बिक्रेता नियुक्त, एक्स ४७ क्रसओभर ल्याउँदै
नेपालका लागि अल्ट्राभोइलेटका मोटरसाइकलको आधिकारिक वितरक र आयातकर्ताको रूपमा वैद्यज अर्गनाइजेसन नियुक्त भएको छ । यसअघि केडिया ग्रुपले वितरण गर्दै आएकोमा अब वैद्यज अर्गनाइजेसनले प्रिमियम इलेक्ट्रिक मोटरसाइकल बजारमा ल्याउने भएको छ । अल्ट्राभोइलेटका सीईओ नारायण सुब्रमण्यमले वैद्यज अर्गनाइजेसनसँगको साझेदारीले नेपालमा आफ्नो ब्रान्ड विस्तारमा सहयोग पुग्ने बताएका छन् ।
राष्ट्रिय तथ्यांक कार्यालयले १० लाख बढी व्यावसायिक प्रतिष्ठानको आर्थिक विवरण संकलन गर्यो
राष्ट्रिय तथ्यांक कार्यालयले दोस्रो चरणको आर्थिक गणनाअन्तर्गत १० लाख २० हजार ९०४ व्यावसायिक प्रतिष्ठानको आर्थिक विवरण संकलन गरेको छ। उद्योग, व्यापार-व्यवसाय र सेवा क्षेत्रको यथार्थ विवरण पत्ता लगाउने उद्देश्यले वैशाख २ देखि असार ७ गतेसम्म सञ्चालित यस गणनामा आम्दानी, खर्च, रोजगारी र दर्ताको अवस्थासम्बन्धी विवरण संकलन गरिएको छ।
