गणतन्त्रबाट सुशासन, विकास र समृद्धिको लक्ष्य प्राप्ति आजको राष्ट्रिय आवश्यकता हो- राष्ट्रपति पौडेल

राष्ट्रपति रामचन्द्र पौडेलले गणतन्त्र दिवसको अवसरमा शुभकामना सन्देश दिँदै संविधानले परिकल्पना गरेको सामाजिक न्याय, आर्थिक समृद्धि तथा समावेशी विकास हासिल गर्न सबै तहका सरकार, निजी क्षेत्र तथा नागरिक समाजबीच सहकार्य आवश्यक रहेको बताएका छन् । उनले गणतन्त्र स्थापनाका लागि भएका आन्दोलनका नेतृत्व गर्ने नेताहरूप्रति सम्मान व्यक्त गर्दै आमनागरिक, जनसमुदाय एवम् राजनीतिक कार्यकर्ताहरूको योगदानको उच्च प्रशंसा गरेका छन् ।