रिहा भए भनिएका अमृत झा इरानकै जेलमा, भ्रामक सूचनाबारे मन्त्रालयले माफी माग्दा मन्त्रीको पोस्ट अझै हटेन

इरानमा पक्राउ परेका नेपाली नागरिक अमृत झाको रिहाइबारे भ्रामक सूचना सार्वजनिक भएको भन्दै परराष्ट्र मन्त्रालयले माफी मागेको छ । मन्त्रालयले विज्ञप्ति जारी गर्दै उक्त घटनाबाट सिर्जना भएको अन्योल र असुविधाप्रति क्षमा मागेको हो । इरानको केसम टापुमा अवैध सामान ओसारपसारको आरोपमा पक्राउ परेका झा हाल बन्दर अब्बासको जेलमा पुर्पक्षका लागि थुनामा छन् ।