सम्मानित बुढ्यौली सुनिश्चित गर्न गैरआवासीय नेपालीहरूको भूमिका महत्वपूर्ण

नेपालमा सम्मानित बुढ्यौली सुनिश्चित गर्न सरकार, निजी क्षेत्र र नागरिक समाजले मिलेर काम गर्नुपर्ने विज्ञहरूले बताएका छन् । गैरआवासीय नेपाली सङ्घ (एनआरएनए) यूके र पुस्तान्तरण नेपालले आयोजना गरेको वेबिनारमा सहभागीहरूले युवाहरूको विदेश स्थानान्तरण र घट्दो जनसङ्ख्याले ज्येष्ठ नागरिकको जीवनयापनमा चुनौती थपेको बताए । एनआरएनए अन्तर्राष्ट्रिय समन्वय परिषद्का अध्यक्ष डा. हेमराज शर्माले यस विषयलाई प्राथमिकतामा राख्ने बताए ।