ग्रामीण सञ्चार कोषको रकम परिचालन र ट्याक्सी दर्ता खुलाउन सांसद पुनको माग

prasashan.com · 2 दिन अघि

सांसद महावीर पुनले ग्रामीण क्षेत्रमा सञ्चार पहुँच विस्तारका लागि सञ्चित ग्रामीण दूरसञ्चार कोषको रकम तत्काल उपयोगमा ल्याउन सरकारको ध्यानाकर्षण गराएका छन्। नेपाल दूरसञ्चार प्राधिकरणअन्तर्गत रहेको उक्त कोषमा करिब १६ अर्ब रुपैयाँभन्दा बढी रकम थन्किएको अवस्थामा रहेको उनले बताए। उनले काठमाडौँ उपत्यकामा ट्याक्सीको नयाँ दर्ता प्रक्रिया लामो समयदेखि रोकिँदा बजारमा अस्वस्थ प्रतिस्पर्धा र सिन्डिकेट प्रवृत्ति बढेको भन्दै त्यसलाई खुला गर्नुपर्ने माग पनि राखे।