सेभियामाथि रियल मड्रिडको कठिन जित

स्पेनिस ला लिगा फुटबल अन्तर्गत आइतबार राति भएको खेलमा रियल मड्रिडले सेभियामाथि १–० गोल अन्तरको सङ्घर्षपूर्ण जित निकालेको छ । सेभियाको घरेलु मैदानमा भएको उक्त खेलमा ब्राजिलियन फरवार्ड भिनिसियस जुनियरले गरेको एकमात्र गोल नै रियल मड्रिडको जितका लागि पर्याप्त बन्यो । पहिलो हाफमा बनाएको १–० को अग्रतालाई रियल मड्रिडले खेलको अन्त्यसम्म जोगाउन सफल भयो ।