क्रियाशील सदस्यता पुनः अध्यावधिक गर्न दबाब दिएको भन्दै कांग्रेस नेता शाहीको आपत्ति

नेपाली कांग्रेसका नेता भुपेन्द्रजंग शाहीले पार्टीको १५औँ महाधिवेशनका लागि क्रियाशील सदस्यता पहिले नै नवीकरण गरिसकेको अवस्थामा पुनः अध्यावधिक गर्न दबाब दिनु अनुचित भएको बताएका छन्। उनले पार्टी नेतृत्वसँग सदस्यता अध्यावधिक प्रक्रियाबारे पाँच प्रश्न उठाएका छन्, जसमा जेठ २१ भित्र पुनः अध्यावधिक नगरेको आधारमा सदस्यता खारेज गर्न खोजिएको हो कि भन्ने प्रश्न समावेश छ। शाहीले अध्यावधिकको नाममा अधिकांश सदस्यलाई बाहिर राखेर पार्टीमाथि एकलौटी नियन्त्रण स्थापित गर्न खोजिएको आशंका व्यक्त गरेका छन्।