लुहाम-फलाबाङ-मखनटाकुरी सडक तीन दिन बन्द

सल्यानको लुहाम-फलाबाङ-मखनटाकुरी हुँदै दाङको तुलसीपुर जोड्ने सडक तीन दिनका लागि पूर्ण रूपमा बन्द गरिएको छ। सडक स्तर वृद्धिका लागि सबै प्रकारका सवारीसाधन शुक्रबारदेखि आइतबारसम्म बन्द गरिएको हो। यसैबीच त्रिवेणि गाउँपालिकाको टोलीले निर्माणाधीन सडकको स्थलगत अनुगमन गरी केही स्थानमा निर्माण कार्यमा कमजोरी र त्रुटि देखिएको भन्दै तत्काल सुधार गर्न निर्देशन दिएको छ।