Kathmandu Pati

नेपाली कांग्रेसले राष्ट्रिय स्वतन्त्र पार्टी (रास्वपा) परित्याग गरी पार्टीमा प्रवेश गरेकी ममता शर्मालाई केन्द्रीय कार्यसमिति सदस्यमा मनोनयन गरेको छ। कांग्रेस सभापति गगनकुमार थापाले विधानको व्यवस्थाबमोजिम शर्मालाई केन्द्रीय सदस्य पदमा मनोनयन गरेका हुन्।

नेपाल क्रिकेट संघ (क्यान) ले सिंगापुरमा हुने एसियन गेम्स क्वालिफायर २०२६ का लागि दीपेन्द्र सिंह ऐरीको कप्तानीमा १४ सदस्यीय नेपाली राष्ट्रिय क्रिकेट टोली घोषणा गरेको छ। यसअघि कप्तान रहेका रोहित पौडेल पनि टोलीमा समावेश छन्। प्रतियोगिता मे ३१ देखि जुन ९ सम्म सिंगापुरमा आयोजना हुनेछ।

पाकिस्तानको बलुचिस्तान प्रान्तमा सैनिक कर्मचारी र उनीहरूका परिवार बोकेको रेललाई लक्षित गरी आइतबार भएको शक्तिशाली विस्फोटमा कम्तीमा २४ जनाको मृत्यु भएको छ भने ५० भन्दा बढी घाइते भएका छन्। प्रान्तीय राजधानी क्वेटा नजिकै भएको यस आक्रमणपछि ठूलो क्षति पुगेको छ र उद्धार कार्य जारी छ। अधिकारीहरूका अनुसार क्वेटाबाट पेशावरतर्फ जाँदै गरेको रेल चमन क्षेत्रको पटरी पार गर्ने क्रममा विस्फोटक पदार्थ बोकेको सवारीसाधनले ठक्कर दिँदा विस्फोट भएको थियो।

कृषि, वन तथा पर्यावरणमन्त्री गीता चौधरीका अनुसार दुग्ध विकास संस्थान (डीडीसी) को सुधार कार्ययोजना लागू भएपछि किसानलाई दैनिक करिब १ करोड रुपैयाँ भुक्तानी भइरहेको छ। पछिल्लो चार महिनाको करिब ५८ करोड रुपैयाँ बक्यौता दायित्वमध्ये हालसम्म १२ करोड रुपैयाँ भुक्तानी भइसकेको छ। बाँकी रकममध्ये एक महिनाको भुक्तानी आगामी असार १३ गतेभित्र गर्ने तयारी छ।

प्रधानमन्त्री बालेन्द्र शाहले युरोपेली संघ (ईयू) मा आबद्ध २३ देशका राजदूत तथा कूटनीतिक प्रतिनिधिहरूसँग मंगलबार काठमाडौंमा सामूहिक शिष्टाचार भेटवार्ता गरेका छन्। यस भेटमा नेपालको वर्तमान प्राथमिकता, द्विपक्षीय सम्बन्ध सुदृढीकरण र सहकार्यका विविध विषयमा छलफल केन्द्रित भएको थियो।

नेपाली कांग्रेसका सभापति गगन थापाले पार्टीको विधानअनुसार नचल्ने र सदस्यता नवीकरणमा अवरोध गर्नेलाई कारबाही गर्ने चेतावनी दिएका छन्। शनिबार विराटनगरमा पत्रकार सम्मेलन गर्दै उनले विधान विपरीत कार्य गर्नेलाई जिम्मेवारीबाट हटाउने प्रक्रिया सुरु भइसकेको बताए। थापाले पार्टीभित्रका सबै संयन्त्रहरू सहमति र सल्लाहकै आधारमा बनाउन आफू तयार रहेको पनि स्पष्ट पारे।

संघीय संसद्का प्रतिनिधिसभा र राष्ट्रियसभाका बैठक आज छुट्टाछुट्टै समयमा बस्दैछन्। बैठकमा अर्थमन्त्री डा. स्वर्णिम वाग्लेले आर्थिक वर्ष २०८२/८३ को आर्थिक सर्वेक्षण पेस गर्नेछन् भने सूचना तथा सञ्चारमन्त्री डा. विक्रम तिमिल्सिनाले चलचित्र विधेयक, २०८२ माथि विचार गरियोस् भन्ने प्रस्ताव प्रस्तुत गर्नेछन्।

लुम्बिनी प्रदेश सरकारले आर्थिक वर्ष २०८३/८४ को लागि नीति तथा कार्यक्रम प्रदेशसभामा प्रस्तुत गरेको छ। प्रदेश प्रमुख कृष्णबहादुर घर्तीमगरले प्रस्तुत गरेको नीति तथा कार्यक्रममा सुशासन, आर्थिक समृद्धि र प्रशासनिक सुधारलाई प्राथमिकता दिइएको छ। यसअन्तर्गत हाल कायम रहेका १२ मन्त्रालयलाई घटाएर ८ मा झारिने घोषणा गरिएको छ।

प्रधानमन्त्री बालेन्द्र शाहले मंगलबार यहाँस्थित युरोपेली संघ (ईयू)मा आबद्ध देशका गैरआवासीय राजदूत तथा मिसन प्रमुखहरूसँग संयुक्त भेटवार्ता गरेका छन्। प्रधानमन्त्री तथा मन्त्रिपरिषद्को कार्यालयमा भएको उक्त भेटमा नेपालको वर्तमान प्राथमिकता, द्विपक्षीय सम्बन्ध सुदृढ तुल्याउने र सहकार्यका विविध विषयमा छलफल केन्द्रित भएको थियो।

आईसीसी विश्वकप लिग–२ अन्तर्गत शुक्रबार भएको खेलमा नेपालले अमेरिकालाई १२२ रनले पराजित गरेको छ। कीर्तिपुरस्थित त्रिवि मैदानमा टस जितेर पहिला बलिङ गरेको अमेरिकाविरुद्ध नेपालले ५० ओभरमा ८ विकेटको क्षतिमा ३१७ रन बनाएको थियो। ३१८ रनको लक्ष्य पछ्याएको अमेरिका ४१ ओभर २ बलमा १९५ रनमा अलआउट भयो।

प्रधानमन्त्री बालेन्द्र शाहले युरोपेली संघ (ईयू) मा आबद्ध देशका राजदूतहरूसँगको भेटमा नेपाली नागरिकको दैनिक जीवनस्तर उकास्ने र सुशासन कायम गर्ने सरकारको प्रतिबद्धता दोहोर्‍याएका छन्। उनले नयाँ सरकार गठन भए पनि नीतिगत निरन्तरता रहने, लोकतान्त्रिक मूल्यमान्यताको संरक्षण र राजनीतिक स्थिरता कायम गरिने स्पष्ट पारे। प्रधानमन्त्रीले नेपालले सन्तुलित र व्यावहारिक विदेश नीति अवलम्बन गर्ने तथा व्यापार, लगानी, हरित ऊर्जा, जलवायु र पर्यटनजस्ता क्षेत्रमा सहकार्य सुदृढ गरिने बताए।

नेकपा एमालेको केन्द्रीय सचिवालय बैठकमा अधिकांश सदस्यहरूले अध्यक्ष केपी शर्मा ओलीलाई नेतृत्व हस्तान्तरण गरी पार्टी पुनर्गठन गर्न सुझाव दिएका छन्। शुक्रबारदेखि जारी बैठकमा उपाध्यक्षहरू, महासचिव, उपमहासचिव र सचिवहरूले आ-आफ्नो धारणा राखेका छन्। आजको बैठकमा अध्यक्ष ओलीले नेताहरूले उठाएका प्रश्नहरूको जवाफ दिने कार्यक्रम छ।