विश्वकै संवेदनशील समुद्री व्यापार मार्गमाथि इरानको थप नियन्त्रण

इरानले विश्वकै संवेदनशील समुद्री व्यापार मार्गमध्ये पर्ने स्ट्रेट अफ हर्मुजमाथि आफ्नो नियन्त्रण अझ कडा बनाउने कदम स्वरूप नयाँ व्यवस्थापन तथा अनुगमन क्षेत्रको सीमा औपचारिकरूपमा निर्धारण गरेको छ । नयाँ गठन गरिएको पर्सियन गल्फ स्ट्रेट अथोरिटी (पिजिएसए) ले अब जलघाँटी पार गर्ने जहाजले अनिवार्यरूपमा समन्वय र अनुमति लिनुपर्ने व्यवस्था लागू गरेको जनाएको छ । यो घोषणा अमेरिका र इरानबिच जारी शान्ति वार्तामा कुनै प्रगति नभइरहेका बेला आएको हो ।