बडिगाडमा भीषण हावाहुरी र असिनापानी: दुई दर्जन बढी घरमा क्षति, मकैबाली नष्ट

बागलुङको बडिगाड गाउँपालिका क्षेत्रमा गएराति आएको भीषण हावाहुरी, असिनापानीसहितको वर्षाले ठूलो क्षति पुर्‍याएको छ। प्राकृतिक विपत्तिका कारण गाउँका दुई दर्जनभन्दा बढी घरमा क्षति पुगेको स्थानीयले बताएका छन्। विशेषगरी दाँगमा आएको तीव्र हावाहुरीले घरका छाना उडाउने, भित्तामा चिरा पार्ने तथा विद्युत अवरुद्ध गराउनेजस्ता समस्या निम्त्याएको हो।