निर्वाचन समीक्षादेखि कार्यविभाजनसम्म: एमाले सचिवालय बैठक आज गुण्डुमा

नेपाल कम्युनिष्ट पार्टी (एमाले) को केन्द्रीय सचिवालयको महत्त्वपूर्ण बैठक आज अध्यक्ष केपी शर्मा ओलीको भक्तपुरको गुण्डुस्थित निजी निवासमा दिउँसो १:०० बजे बस्न लागेको छ। बैठकको मुख्य कार्यसूची नेताहरूको जिम्मेवारी बाँडफाँट र कार्यविभाजन रहेको छ। पार्टीको ११औँ महाधिवेशन सम्पन्न भए पनि नेताहरूको कार्यविभाजन टुङ्गो लाग्न नसकेकाले आजको बैठकको मुख्य ध्यान यसमै केन्द्रित हुनेछ।