दक्षिण लेबनानमा इजरायल–हिजबुल्लाह भीषण झडप, १२ जनाको मृत्यु

दक्षिण लेबनानको लितानी नदी क्षेत्रमा इजरायल र इरान समर्थित हिजबुल्लाह समूहबीच तीव्र झडप भएको छ । इजरायली सेना उत्तरतर्फ अघि बढेसँगै दुवै पक्षबीच तनाव चर्किएको छ । इजरायली प्रधानमन्त्री बेन्जामिन नेतन्याहुले लेबनानमा सैन्य कारबाही विस्तार गरिने बताएका छन् । यसैबीच इजरायली सेनाले दक्षिण लेबनान र पूर्वी बेका क्षेत्रमा १०० भन्दा बढी हिजबुल्लाह लक्ष्यमा हवाई आक्रमण गरेको जनाएको छ ।