फिर्केखोला अतिक्रमण: तीन ठाउँबाट सुरु भयो संरचना भत्काउने अभियान

पोखरा महानगरपालिकाले फिर्केखोलाको खोलाघर क्षेत्र खाली गराउने अभियान सुरु गरेको छ । सार्वजनिक जमिन अतिक्रमण गरी निर्माण गरिएका अस्थायी तथा स्थायी संरचना हटाउन ३५ दिने समयसीमा सकिएपछि डोजर चलाउन सुरु गरिएको हो । महानगर प्रमुख धनराज आचार्यका अनुसार तीन मुख्य स्थानबाट एकैसाथ संरचना हटाउने कार्य अगाडि बढाइएको छ ।