वैदेशिक रोजगारीका नाममा ठगी गर्ने दुई जना पक्राउ

www.osnepal.com · 1 दिन अघि

वैदेशिक रोजगारीका लागि विभिन्न आकर्षक देशहरूमा पठाइदिने प्रलोभन देखाएर लाखौँ रुपैयाँ ठगी गर्ने दुई जनालाई काठमाडौं उपत्यका अपराध अनुसन्धान कार्यालयले पक्राउ गरेको छ। पक्राउ पर्नेहरूमा कमल थापा र नितु घिमिरे रहेका छन्। थापाले बेलायत र रोमानिया पठाइदिने भन्दै ३ जनाबाट २७ लाख ५० हजार रुपैयाँ ठगी गरेको र घिमिरेले अमेरिका पठाइदिने प्रलोभनमा पारेर ३ जनाबाट २६ लाख रुपैयाँ ठगी गरेको पाइएको छ। पक्राउ परेका दुवैलाई थप अनुसन्धानका लागि वैदेशिक रोजगार विभाग पठाइएको छ।