युवा स्वरोजगार कोषको ६७ करोड कर्जा असुल भएन

bankingsamachar.com · 1 हप्ता अघि

युवा तथा साना व्यवसायी स्वरोजगार कोषबाट लगानी गरिएकामध्ये भाखा नाघिएको ऋणवापतको ६७ करोड १९ लाख ६४ हजार रूपैयाँ असुल गर्नुपर्ने देखिएको छ। महालेखा परीक्षकको ६३औँ वार्षिक प्रतिवेदन, २०८३ ले कोष र ऋणीबीच ऋण सम्झौताको शर्त अनुसार साँवा र ब्याज समयमा नआउँदा हर्जनासमेत गरी सो रकम असुल गर्नुपर्ने देखाएको हो। कोषको २०८२ असार मसान्तसम्म दुई अर्ब ३३ करोड ९४ लाख ५६ हजार रूपैयाँ कर्जाको साँवा बक्यौता देखिएको छ।