मनाइँदै बकर इद (इदुल जोहा)

मुस्लिम धर्मावलम्बीहरूको दोस्रो महान् पर्व बकर इद (इदुल जोहा) बिहीबार देशभरका मस्जिदमा मनाइँदै छ । इदुल फित्रको ७०औँ दिनमा मनाइने यो पर्व अल्लाहको आदेशमा इब्राहिमले आफ्ना छोरा इस्माएललाई बलिदान गर्न तयार भएको सम्झनामा मनाउन थालिएको हो । यस अवसरमा मुस्लिम धर्मावलम्बीले बिहानै स्नान गरी नजिकैको मस्जिद वा इदगाहमा गई सामूहिक नमाज पढ्ने र एकापसमा शुभकामना आदानप्रदान गर्ने परम्परा छ ।