इनरुवा नगरपालिकाको बेरुजु ३८ करोड नाघ्यो, पछिल्लो वर्षमै थपियो ५ करोड ८३ लाख

सुनसरीको इनरुवा नगरपालिकामा आर्थिक अनुशासन, बजेट पारदर्शिता र वित्तीय व्यवस्थापनमाथि प्रश्न उठेको छ। महालेखापरीक्षकको कार्यालयको आर्थिक वर्ष २०८०/८१ को प्रतिवेदनअनुसार नगरपालिकामा ५ करोड ८३ लाख २२ हजार रुपैयाँ बेरुजु देखिएको छ। प्रतिवेदनले नगरपालिकाको कुल बेरुजु गत वर्षको तुलनामा बढेर ३८ करोड ३४ लाख २७ हजार रुपैयाँ पुगेको देखाएको छ।