‘सहकारीमा भएको बेथिति जाँचबुझ आयोग, २०८२’ को प्रतिवेदन सार्वजनिक, कमजोर नियमनले जनविश्वास गुमेको निष्कर्ष

arthasarokar.com · 2 दिन अघि

सरकारले सार्वजनिक गरेको ‘सहकारीमा भएको बेथिति जाँचबुझ आयोग, २०८२’ को प्रतिवेदनले सहकारी क्षेत्रमा वित्तीय अनियमितता, बचतकर्ताको रकम दुरुपयोग तथा कमजोर नियमनका कारण जनविश्वास कमजोर बन्दै गएको निष्कर्ष निकालेको छ । प्रतिवेदनले संस्था दर्ता, कार्यक्षेत्र विस्तारमा अध्ययन र मापदण्ड पालना नगरी स्वीकृति दिइएको, सञ्चालक तथा व्यवस्थापकहरूले रकम हिनामिना र अपारदर्शी कारोबार गरेको, कमजोर नियमन, राजनीतिक हस्तक्षेप, नियामक निकायबीच समन्वय अभाव, सूचना प्रणालीको कमी, वित्तीय अनुशासनहीनता, सुशासनको कमजोरी तथा दक्ष जनशक्तिको अभावलाई समस्याका रूपमा औंल्याएको छ । आयोगले प्रभावकारी नियामक संरचना निर्माण, विश्वसनीय सूचना प्रणाली विकास, कडा सुशासन, बचतकर्ता हित संरक्षण तथा संस्थागत क्षमता अभिवृद्धिलाई प्राथमिकता दिन सुझाव दिएको छ ।