महाधिवेशनको तयारीमा रास्वपा: आज देशभरका १५०० वडामा एकैसाथ वडा अधिवेशन हुँदै

राष्ट्रिय स्वतन्त्र पार्टी (रास्वपा) ले देशभरका विभिन्न वडाहरूमा एकैसाथ वडा अधिवेशन सुरु गरेको छ। गत वैशाख २० गतेभन्दा अगाडि तदर्थ समितिहरू गठन भइसकेका करिब १ हजार ५०० वडामा आज नयाँ नेतृत्व चयनका लागि अधिवेशन गर्न लागिएको हो। पार्टीले वडा र स्थानीय तहको अधिवेशन दुई चरणमा सम्पन्न गर्ने विशेष रणनीति बनाएको छ।