सभामुख अर्याल र कोरियाली राजदूत पार्कबिच शिष्टाचार भेटवार्ता

सभामुख डोलप्रसाद अर्यालसँग नेपालका लागि कोरियाली राजदूत तायोङ पार्कले शिष्टाचार भेटवार्ता गरेका छन् । भेटमा नेपाल–कोरिया द्विपक्षीय सम्बन्ध, लगानी, प्रविधि, श्रम तथा संसदीय साझेदारीका विविध विषयमा छलफल भएको छ । राजदूत पार्कले नेपाललाई कोरियाले आफ्नो प्रमुख विकास साझेदारका रूपमा प्राथमिकतामा राखेको र शिक्षा, स्वास्थ्य, कृषि, आर्थिक विकास र रोजगारीको क्षेत्रमा सहकार्य जारी रहने प्रतिबद्धता व्यक्त गरे ।