नवजात शिशु मृत्युदरमा घट्ने क्रमको प्रगति रोकियो, स्वास्थ्य सेवामा सुधार अपरिहार्य

swasthyakhabar.com · 6 घण्टा अघि

नेपालमा बाल स्वास्थ्य तथा पोषणसम्बन्धी प्रमुख सूचकहरूमा पछिल्ला वर्षहरूमा सुधारको गति सुस्त देखिएको छ। नेपाल मल्टिपल इन्डिकेटर क्लस्टर सर्वेक्षण (NMICS) 2024/25 र नेपाल जनसांख्यिक तथा स्वास्थ्य सर्वेक्षण (NDHS) 2022 का तथ्यांकहरूको तुलनात्मक विश्लेषणले नवजात शिशु मृत्युदर, बाल कुपोषण, न्यूनतम पोषणयुक्त आहार तथा पूर्ण खोपजस्ता सूचकहरूमा उल्लेखनीय सुधारको गति सीमित रहेको देखाएको छ। नवजात शिशु मृत्युदरमा प्रदेशगत असमानता, आर्थिक तथा सामाजिक अवस्थासँगको सम्बन्ध, दीर्घकालीन तथा शीघ्र कुपोषणको अवस्था, शिशु तथा बाल आहार अभ्यासमा मिश्रित अवस्था र पूर्ण खोप सुनिश्चिततामा चुनौती कायम रहेको प्रतिवेदनले औंल्याएको छ।