सम्झौताअघि अमेरिकाले ५ कदम चाल्नुपर्ने इरानको सर्त, प्रतिबन्ध फुकुवा र हर्मुज मुख्य माग

इरानी संसद्‌को राष्ट्रिय सुरक्षा तथा विदेश नीति समितिका प्रमुख इब्राहिम अजीजीले कुनै पनि सम्झौतामा पुग्नुअघि अमेरिकाले विश्वास निर्माण गर्न पाँच प्रमुख कदम चाल्नुपर्ने बताएका छन्। इरानको मुख्य मागहरूमा लेबनानसहित सबै मोर्चाहरूमा युद्ध अन्त्य गर्ने, प्रतिशोधात्मक आक्रमणको पुनरावृत्ति नहुने ग्यारेन्टी गर्ने, नौसेना नाकाबन्दी हटाउने, हर्मुज जलमार्गमा इरानी प्रणाली स्वीकार गर्ने, तेल प्रतिबन्ध हटाउने र कब्जा गरिएका इरानी सम्पत्तिहरू फिर्ता गर्ने समावेश छन् । यदि अमेरिकाले यी पाँच कदम चाल्यो भने बाँकी मुद्दाहरू ३० देखि ६० दिनमा थप वार्तामार्फत छलफल गर्न सकिने उनले बताए ।