आर्बिट्री इभेन्ट्स

नेपाली लोक रक ब्यान्ड नेपथ्यले रोजगारीका लागि मलेसिया पुगेका नेपाली श्रोतामाझ पहिलोपटक सांगीतिक प्रस्तुति दिन लागेको छ। यसअघि क्यानाडा र न्युजिल्यान्ड भ्रमण सकेर फर्किएको ब्यान्डले जुन १ (जेठ १८) मा क्वालालम्पुरको ‘जेप क्वालालम्पुर’मा कन्सर्ट गर्नेछ। मुख्य गायक अमृत गुरुङले मलेसियाबाट सामाजिक सञ्जालमार्फत जोडिएका दर्शकलाई भेट्न आतुर रहेको बताएका छन्।

काठमाडौंको दरबारमार्गमा १९औँ दरबारमार्ग स्ट्रिट फेस्टिभल आयोजना गरिएको छ । 'एक्सट्रिम इनर्जी ड्रिंक'को मुख्य प्रायोजनमा 'एक्सट्रिम स्याटर्डे' नाम दिइएको यस महोत्सवमा सबै उमेर समूहका दर्शकका लागि मनोरञ्जनात्मक कार्यक्रम समावेश गरिएको छ । महोत्सवमा बालबालिकाका लागि खेल, ३x३ बास्केटबल, ई-स्पोर्ट्स, सांस्कृतिक झाँकी, कस्प्ले, फोटो बुथ, खाना तथा पेय पदार्थका स्टलका साथै चर्चित डिजे र कलाकारहरूको प्रस्तुति भइरहेको छ ।

काठमाडौंको दरबारमार्गमा जेठ ९ गते १९औँ दरबारमार्ग स्ट्रिट फेस्टिभल आयोजना हुने भएको छ। यस वर्ष ‘एक्सट्रिम इनर्जी ड्रिङ्क’ को मुख्य प्रायोजनमा यसलाई ‘एक्सट्रिम स्याटर्डे’ का रूपमा मनाइनेछ। दरबारमार्ग विकास बोर्डको पहलमा माभरिक्स ग्रुप र आर्बिट्ररी इभेन्ट्सद्वारा आयोजित यस महोत्सवले सबै उमेर समूहका दर्शकलाई मनोरञ्जन दिने लक्ष्य राखेको छ।