क्वालालम्पुर

नेपाली लोक रक ब्यान्ड नेपथ्यले रोजगारीका लागि मलेसिया पुगेका नेपाली श्रोतामाझ पहिलोपटक सांगीतिक प्रस्तुति दिन लागेको छ। यसअघि क्यानाडा र न्युजिल्यान्ड भ्रमण सकेर फर्किएको ब्यान्डले जुन १ (जेठ १८) मा क्वालालम्पुरको ‘जेप क्वालालम्पुर’मा कन्सर्ट गर्नेछ। मुख्य गायक अमृत गुरुङले मलेसियाबाट सामाजिक सञ्जालमार्फत जोडिएका दर्शकलाई भेट्न आतुर रहेको बताएका छन्।

राष्ट्रिय स्वतन्त्र पार्टी (रास्वपा) को प्रवास नेपाली सम्पर्क विभाग, मलेसियाले जुन १ मा आफ्नो दोस्रो ऐतिहासिक अधिवेशन आयोजना गर्ने भएको छ। क्वालालम्पुरस्थित नेटफार प्रेस्टो क्याफेमा हुने यस अधिवेशनको तयारी अन्तिम चरणमा पुगेको छ। यसको उद्देश्य मलेसियामा रास्वपा प्रवास संगठनलाई सशक्त, व्यवस्थित र प्रभावकारी बनाउनु रहेको छ।