कृष्णकुमार कार्की

राष्ट्रिय स्वतन्त्र पार्टी (रास्वपा)का सांसद कृष्णकुमार कार्कीमाथि एक नाइजेरियन युवतीलाई गर्भवती बनाएर अलपत्र पारेको आरोप लागेको छ । कांग्रेस सांसद निनुकुमारी कर्णले उक्त घटनाको सत्यतथ्य सार्वजनिक गर्न माग गरेकी छन् भने नेकपाकी सांसद पार्वती बिकले सत्तापक्षका सांसदमाथि उठेको यो गम्भीर प्रश्नको स्पष्टता सदनले दिनुपर्ने बताएकी छन् ।

प्रतिनिधिसभा बैठकमा सांसदहरूले दलित समुदायमाथि हुने जातीय विभेद अन्त्य गर्न, सुकुमवासी समस्या समाधान गर्न र राष्ट्रिय स्वतन्त्र पार्टीका सांसद कृष्णकुमार कार्कीमाथि लागेको आरोपबारे सरकारको ध्यानाकर्षण गराएका छन्। सांसदहरूले संविधानमा व्यवस्था गरिएका समानता र सामाजिक न्यायका हक व्यवहारमा कार्यान्वयन नभएको भन्दै सरकारको ध्यानाकर्षण गराएका हुन्।

प्रतिनिधिसभाको बैठकमा सांसदहरूले विभिन्न विषयमा विरोध जनाएका छन्। श्रम संस्कृति पार्टीका अध्यक्ष हर्क साम्पाङले प्रधानमन्त्री र मन्त्रीहरूलाई संसदप्रति जवाफदेही बनाउनुपर्ने माग गर्दै पर्चा देखाएर विरोध जनाएका थिए। राष्ट्रिय स्वतन्त्र पार्टीका सांसद जगदीश खरेलले सरकारले सुनुवाइ नगर्ने भए शून्य समयको कार्यक्रम बन्द गर्न आग्रह गरे भने काँग्रेस सांसद निनुकुमारी कर्णले सांसद कृष्णकुमार कार्कीमाथि विदेशी महिलालाई गर्भवती बनाएर सम्पर्कविहीन भएको विषयमा छानबिनको माग गरेकी छन्।

राष्ट्रिय स्वतन्त्र पार्टी (रास्वपा) का सांसद कृष्णकुमार कार्कीमाथि एक नाइजेरियन युवतीलाई गर्भवती बनाएर अलपत्र पारेको आरोप लागेको छ । नेपाली कांग्रेसकी सांसद निनुकुमारी कर्ण र नेकपाकी सांसद पार्वती विकले प्रतिनिधिसभा बैठकमा यो विषय उठाएकी हुन् । उनीहरूले घटनाको सत्यतथ्य छानबिन गरी पीडितलाई न्याय दिन र दोषीलाई कारबाही गर्न सरकारसँग माग गरेका छन् ।