शम्भुप्रसाद ढकाल

प्रतिनिधिसभा बैठकमा सांसदहरूले दलित समुदायमाथि हुने जातीय विभेद अन्त्य गर्न, सुकुमवासी समस्या समाधान गर्न र राष्ट्रिय स्वतन्त्र पार्टीका सांसद कृष्णकुमार कार्कीमाथि लागेको आरोपबारे सरकारको ध्यानाकर्षण गराएका छन्। सांसदहरूले संविधानमा व्यवस्था गरिएका समानता र सामाजिक न्यायका हक व्यवहारमा कार्यान्वयन नभएको भन्दै सरकारको ध्यानाकर्षण गराएका हुन्।

प्रतिनिधिसभाको बैठकमा सांसदहरूले मुलुकका विभिन्न समसामयिक विषयमा सरकारको ध्यानाकर्षण गराएका छन्। सांसदहरूले सुकुमवासी समस्या, पाथीभरा केबलकार निर्माणको विषयमा सरकारको आधिकारिक धारणा र दलित समुदायमाथि हुने विभेद अन्त्य गर्नुपर्ने माग गरेका छन्। यसका साथै आत्महत्याका घटनामाथि छानबिनको माग पनि उठेको छ।