गोविन्द पन्थी

प्रतिनिधि सभामा सांसदहरूले पछिल्लो समयमा आएको भीषण पानी, हावाहुरी र पहिरोका कारण विभिन्न जिल्लामा प्रभावित भएका नागरिक तथा सडकहरूको विषयमा सरकारको ध्यानाकर्षण गराउँदै तत्काल क्षतिपूर्ति र राहतको व्यवस्था गर्न माग गरेका छन्। सांसदहरूले बागलुङ, गुल्मी, पाँचथर, सिन्धुली लगायतका जिल्लामा भएका क्षतिको विवरण संकलन गरी पीडितलाई उचित राहत दिन आग्रह गरेका छन्।

सांसदहरूले पछिल्लो समय बढ्दो बेरुजुप्रति गम्भीर असन्तुष्टि जनाएका छन् । सार्वजनिक लेखा समितिको बैठकमा सांसदहरूले राज्यको ढुकुटीको दुरुपयोग र बेरुजु फछ्र्योट प्रक्रियामा प्रश्न उठाउँदै यसलाई रोक्न स्पष्ट प्रशासनिक खाका र कडा नीतिगत कारबाहीको माग गरेका छन् । केही सांसदहरूले बेरुजु बढाउनेहरू नै पुरस्कृत हुने गरेको भन्दै यसलाई संस्थागत भ्रष्टाचारको संकेतका रूपमा समेत व्याख्या गरेका छन् ।