जीबी राई

कास्की जिल्ला अदालतले राष्ट्रिय स्वतन्त्र पार्टीका सभापति रवि लामिछानेसहित सूर्यदर्शन सहकारी ठगी प्रकरणका प्रतिवादीहरूविरुद्ध दायर गरिएको सम्पत्ति शुद्धीकरण र संगठित अपराधसम्बन्धी अभियोग फिर्ता लिने सरकारी पक्षको निवेदन स्वीकृत गरेको छ। अदालतको यस आदेशसँगै अब लामिछानेसहितका प्रतिवादीहरूमाथि सहकारी ठगीसम्बन्धी आरोप मात्रै कायम रहने भएको छ।

नेपाली काँग्रेसका प्रवक्ता देवराज चालिसेले सहकारी ठगी प्रकरणमा चयनात्मक न्याय भएको भन्दै सरकारलाई प्रश्न उठाएका छन्। उनले समान प्रकृतिका मुद्दामा रवि लामिछाने, जीबी राई लगायतलाई अभियोगबाट छुट दिईनु असमान व्यवहार हो कि होइन भनी सरकारलाई सोधेका छन्। चालिसेले विधिको शासन, न्यायपालिकाको स्वतन्त्रता र लोकतान्त्रिक प्रणालीको विश्वसनीयतामाथि बहस आवश्यक रहेको बताएका छन्।