रवि लामिछाने

प्रधानमन्त्री बालेन शाह, राष्ट्रिय स्वतन्त्र पार्टी (रास्वपा) का सभापति रवि लामिछाने र अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ को बजेटलाई अन्तिम रूप दिन छलफल गरेका छन्। अर्थमन्त्री वाग्लेले आगामी बजेट परम्परागत नभई मुलुकको अर्थतन्त्रमा रूपान्तरणकारी भूमिका खेल्ने बताएका छन्।

राष्ट्रिय स्वतन्त्र पार्टी (रास्वपा) का सभापति रवि लामिछाने भारतीय विदेश मन्त्रालयको निमन्त्रणामा जेठ १८ देखि भारतको औपचारिक भ्रमणमा जाँदैछन्। भ्रमणका क्रममा उनले भारतीय प्रधानमन्त्री नरेन्द्र मोदी, विदेशमन्त्री एस जयशंकर लगायत उच्च अधिकारीहरूसँग भेटवार्ता गर्ने कार्यक्रम छ। यद्यपि, सरकारका प्रवक्ता सस्मित पोखरेलले रास्वपा सभापतिको भारत भ्रमणबारे आफूहरूलाई कुनै जानकारी नभएको र यसको प्रधानमन्त्रीसँग कुनै सम्बन्ध नरहेको बताएका छन्।

राष्ट्रिय स्वतन्त्र पार्टी (रास्वपा)का सभापति रवि लामिछाने भारतीय विदेश मन्त्रालयको निमन्त्रणामा जेठ १८ गतेदेखि दुईदिने भारत भ्रमणमा जाने भएका छन्। भ्रमणका क्रममा उनले भारतीय प्रधानमन्त्री नरेन्द्र मोदी, विदेशमन्त्री एस जयशंकर, विदेश सचिव विक्रम मिश्र र राष्ट्रिय सुरक्षा सल्लाहकार अजित डोभाललगायत उच्च अधिकारीहरूसँग भेटवार्ता गर्ने कार्यक्रम छ। यो भ्रमणलाई नेपाल–भारत सम्बन्ध चिसिएको अवस्थामा अर्थपूर्ण रूपमा हेरिएको छ।

सरकारका प्रवक्ता सस्मित पोखरेलले प्रधानमन्त्री बालेन शाहले आवश्यकता अनुसार मात्र सम्बोधन गर्ने बताएका छन्। गणतन्त्र दिवसमा प्रधानमन्त्रीको सम्बोधन नहुने विषयमा मन्त्रिपरिषद्मा कुनै छलफल नभएको र सरकार आगामी बजेट निर्माण तथा पहिलो १०० दिनको कार्ययोजना कार्यान्वयनमा केन्द्रित रहेको उनले स्पष्ट पारे।

नेपाल-भारत सम्बन्धमा देखिएको कूटनीतिक अनिश्चितताका बीच राष्ट्रिय स्वतन्त्र पार्टी (रास्वपा) का सभापति रवि लामिछानेसहितको तीन सदस्यीय प्रतिनिधिमण्डल भारत भ्रमणमा जाने भएको छ। लामिछानेले भारतीय प्रधानमन्त्री नरेन्द्र मोदी र विदेशमन्त्री एस जयशंकरलगायत उच्च राजनीतिक नेतृत्वसँग भेट गर्ने तयारी छ। यो भ्रमण नेपालका प्रधानमन्त्रीको भारत भ्रमणको मिति तय हुन नसकेको र भारतीय विदेश सचिवको नेपाल भ्रमण रद्द भएको सन्दर्भमा हुन लागेको हो।

राष्ट्रिय स्वतन्त्र पार्टीकी सांसद इन्दिरा राना मगरले सुकुम्वासी समस्याबारे पार्टीको स्पष्ट धारणा आउनुपर्ने र स्थानीय तहले गरिरहेका अभ्यासहरूमाथि प्रश्न उठाएकी छन्। उनले वर्षौँदेखि बसोबास गर्दै आएका नागरिकलाई उचित विकल्पबिना विस्थापित गर्न नहुने र स्थानीय सरकारले लालपुर्जा भएकालाई समेत हटाउन सूचना दिइरहेकोमा चिन्ता व्यक्त गरिन्। यस विषयमा पार्टी सभापति रवि लामिछानेसँगको छलफलपछि उनले सञ्चारकर्मीहरूसँग कुरा गर्दै यस्तो बताएकी हुन्।

कास्की जिल्ला अदालतले राष्ट्रिय स्वतन्त्र पार्टीका सभापति रवि लामिछानेसहित सहकारी ठगी प्रकरणका प्रतिवादीविरुद्ध दायर गरिएको संगठित अपराध र सम्पत्ति शुद्धीकरणसम्बन्धी मुद्दा खारेज गरेको छ। न्यायाधीश हिमलाल बेल्बासेको एकल इजलासले सहकारी ठगीतर्फको अभियोग दाबी भने कायम राख्दै अन्य अभियोग संशोधन गरेको हो। अदालतको आदेशमा सहकारीको बचत रकम डुबेका जाहेरवालाको मागमा प्रतिवादीविरुद्ध सम्पत्ति शुद्धीकरण तथा संगठित अपराधसम्बन्धी दाबी नरहेको उल्लेख गरिएको छ।

२०८१ फागुन २१ को निर्वाचनपछि देशकै ठूलो राजनीतिक शक्तिका रूपमा उदाएको राष्ट्रिय स्वतन्त्र पार्टी (रास्वपा) माथि सरकार सञ्चालनको तहमा पुगेपछि अपेक्षा अनुसार काम गर्न नसकेको भन्दै आलोचना सुरु भएको छ। निर्वाचनअघि आक्रामक रूपमा प्रस्तुत हुने नेताहरू सरकारमा पुगेपछि सुस्ताएको टिप्पणी भइरहेको छ भने पार्टीभित्रैबाट पनि प्रश्न उठ्न थालेका छन्।

राष्ट्रिय स्वतन्त्र पार्टी (रास्वपा)का सभापति रवि लामिछानेले प्रधानमन्त्री बालेन्द्र साह संसद बैठकमा उपस्थित हुने दाबी गरेका छन्। लामिछानेले प्रधानमन्त्री नआउने भन्ने कुरै नभएको र उहाँ आएपछि सञ्चारकर्मीहरूले सबै कुरा थाहा पाइहाल्ने बताए। उनले आफूलाई प्रधानमन्त्रीको अनुपस्थितिले कुनै दबाब नभएको पनि स्पष्ट पारे।

राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टीका सांसदहरूसँग छलफल गरेका छन्। शुक्रबार कोशी र मधेस प्रदेशका सांसदहरूसँग छुट्टाछुट्टै छलफल गरी उनीहरूबाट सुझाव र धारणा संकलन गर्ने उद्देश्यले यो कार्यक्रम आयोजना गरिएको थियो। छलफलमा सांसदहरूले निर्वाचन क्षेत्रका समस्या, जनचासोका विषय र समसामयिक राजनीतिक अवस्थाबारे धारणा राखेका थिए।