नवराज लम्साल

अमेरिकाको कोलोराडोमा आयोजित तीन दिने नवौँ अन्तर्राष्ट्रिय नेपाली साहित्य सम्मेलन ‘कोलोराडो घोषणापत्र’ जारी गर्दै सम्पन्न भएको छ। अन्तर्राष्ट्रिय नेपाली साहित्य समाज (अनेसास) द्वारा आयोजित यस सम्मेलनमा विश्व साहित्यमा नेपाली साहित्यको प्रवर्द्धन, युवा लेखकलाई प्रोत्साहन र लेखन प्रशिक्षण सञ्चालन जस्ता बुँदाहरू समेटिएका छन्। सम्मेलनमा ९ जना महिला साहित्यकारलाई ‘अनेसास नवरत्न साहित्य सम्मान तथा पुरस्कार’ पनि वितरण गरियो।

वरिष्ठ हास्यकलाकार तथा गायक मदनकृष्ण श्रेष्ठसहित पाँच जना स्रष्टालाई यस वर्षको छिन्नलता गीत पुरस्कार प्रदान गरिने भएको छ । नेपाली कला, साहित्य तथा संगीतको विकासमा योगदान पुर्‍याएका स्रष्टाहरूलाई गुठीले विभिन्न विधामा सम्मान तथा पुरस्कार प्रदान गर्ने निर्णय गरेको हो । पुरस्कार तथा सम्मान आगामी साउन ९ गते विशेष समारोहका बीच प्रदान गरिनेछ ।

अन्तर्राष्ट्रिय नेपाली साहित्य समाज (अनेसास) केन्द्रीय कार्यसमितिको आयोजनामा कोलोराडोमा मे तेस्रो साता हुन गइरहेको नवौँ अन्तर्राष्ट्रिय नेपाली साहित्य सम्मेलनको सम्पूर्ण तयारी पूरा भएको छ। सम्मेलनमा नेपालसहित विश्वका विभिन्न मुलुकबाट १२५ जना साहित्यकार, लेखक र पत्रकार तथा कोलोराडो राज्यका ५० भन्दा बढी स्रष्टा र साहित्यप्रेमीको सहभागिता रहनेछ।