कोलोराडो

अमेरिकाको कोलोराडोमा आयोजित तीन दिने नवौँ अन्तर्राष्ट्रिय नेपाली साहित्य सम्मेलन ‘कोलोराडो घोषणापत्र’ जारी गर्दै सम्पन्न भएको छ। अन्तर्राष्ट्रिय नेपाली साहित्य समाज (अनेसास) द्वारा आयोजित यस सम्मेलनमा विश्व साहित्यमा नेपाली साहित्यको प्रवर्द्धन, युवा लेखकलाई प्रोत्साहन र लेखन प्रशिक्षण सञ्चालन जस्ता बुँदाहरू समेटिएका छन्। सम्मेलनमा ९ जना महिला साहित्यकारलाई ‘अनेसास नवरत्न साहित्य सम्मान तथा पुरस्कार’ पनि वितरण गरियो।

अमेरिकाको कोलोराडोमा आयोजित नवौँ अन्तर्राष्ट्रिय नेपाली साहित्य सम्मेलनका क्रममा लेखक डा. चन्द्र गिरीको उपन्यास ‘डङ्की : सपनाको कालबाटो’को आवरण सार्वजनिक गरिएको छ। सम्मेलनमा सहभागी अतिथिहरू, साहित्यानुरागी र स्थानीयवासीको उपस्थितिमा उपन्यासको आवरण अनावरण गरिएको हो।

अन्तर्राष्ट्रिय नेपाली साहित्य समाज (अनेसास) केन्द्रीय कार्यसमितिको आयोजनामा कोलोराडोमा मे तेस्रो साता हुन गइरहेको नवौँ अन्तर्राष्ट्रिय नेपाली साहित्य सम्मेलनको सम्पूर्ण तयारी पूरा भएको छ। सम्मेलनमा नेपालसहित विश्वका विभिन्न मुलुकबाट १२५ जना साहित्यकार, लेखक र पत्रकार तथा कोलोराडो राज्यका ५० भन्दा बढी स्रष्टा र साहित्यप्रेमीको सहभागिता रहनेछ।

अमेरिकाको कोलोराडोस्थित डेनभरमा आगामी मे २२ देखि मे २५ सम्म चार दिनका लागि अन्तर्राष्ट्रिय नेपाली साहित्य समाज (अनेसास) को नवौँ अन्तर्राष्ट्रिय साहित्य सम्मेलन आयोजना हुने भएको छ। सम्मेलनका लागि सम्पूर्ण तयारी पूरा भएको र सहभागी हुन आउने साहित्यकारहरूको आगमन क्रम सुरु भएको अनेसास कोलोराडो च्याप्टरले जनाएको छ। सम्मेलनमा अमेरिका तथा अन्य मुलुकबाट करिब १३० जना साहित्यकार, लेखक, पत्रकार र शुभेच्छुक सहभागी हुनेछन्।