नाईस नेपालगञ्ज

राष्ट्रिय स्वतन्त्र पार्टीका सांसद खगेन्द्र सुनार र नेकपा एमालेका सांसद मोहम्मद इस्तियाक राईले गर्मीको समयमा तराई र बाँकेको नेपालगञ्जमा विद्युत् आपूर्ति सहज बनाउन सरकारको ध्यानाकर्षण गराएका छन् । उनीहरूले गर्मीले प्रभावित क्षेत्रमा विद्युत् कटौती र लो भोल्टेजका कारण जनजीवन कष्टकर बनेको भन्दै तत्काल समस्या समाधानको माग गरेका छन् ।

नेपालको मध्य र पूर्वी भेगमा वर्षा भइरहेको छ भने पश्चिम तराईका केही स्थानमा ४० डिग्री सेल्सियसभन्दा बढी तापक्रम पुगेको छ। पश्चिमी वायु, स्थानीय वायु र न्यूनचापीय क्षेत्रको प्रभावले देशका विभिन्न भागमा मौसम प्रभावित भएको छ। जल तथा मौसम विज्ञान विभागका अनुसार केही जिल्लामा भारी वर्षा भएको छ भने सुदूरपश्चिम र लुम्बिनी प्रदेशका तराई क्षेत्रमा तातो लहर चल्ने सम्भावना छ।

नेकपा एमालेका सांसद मोहम्मद इस्तियाक राईले बाँकेको नेपालगञ्जमा भइरहेको अनियमित विद्युत कटौती र लो भोल्टेजको समस्या समाधान गर्न सरकारको ध्यानाकर्षण गराएका छन्। प्रतिनिधि सभाको बैठकमा बोल्दै उनले अत्यधिक गर्मीका कारण जनजीवन कष्टकर बनेको भन्दै तत्काल प्राविधिक समस्या समाधान गरी विद्युत आपूर्ति सहज बनाउन माग गरेका छन्।