मङ्गलबहादुर शाही

कर्णाली प्रदेश सरकारले आगामी आर्थिक वर्ष २०८३/८४ को नीति तथा कार्यक्रम र बजेटका लागि विभिन्न सरोकारवालाहरूसँग छलफल गरी सुझाव सङ्कलन गरेको छ। आर्थिक मामिला तथा योजना मन्त्रालयले वीरेन्द्रनगरमा आयोजना गरेको छलफलमा दीर्घकालीन विकास, मानव विकास सूचकाङ्क र कुल गार्हस्थ्य उत्पादनमा वृद्धि गर्ने तथा नागरिकको जीवनस्तर उकास्ने उत्पादनमुखी नीति तथा कार्यक्रम र बजेट तर्जुमा गर्ने विषयमा जोड दिइएको छ।