वीरेन्द्रनगर

एनआईसी एशिया बैंकले आफ्नो संस्थागत सामाजिक उत्तरदायित्व अन्तर्गत सुर्खेतको वीरेन्द्रनगरमा रहेको श्री नेपाल राष्ट्रिय प्राथमिक विद्यालयमा पानी ट्यांकी र मोटर जडान गरी हस्तान्तरण गरेको छ। विद्यालयमा स्वच्छ खानेपानीको व्यवस्थापन र शैक्षिक वातावरण सुधार गर्ने उद्देश्यले यो सहयोग प्रदान गरिएको हो।

कर्णाली प्रदेश सरकारले आगामी आर्थिक वर्ष २०८३/८४ को नीति तथा कार्यक्रम र बजेटका लागि विभिन्न सरोकारवालाहरूसँग छलफल गरी सुझाव सङ्कलन गरेको छ। आर्थिक मामिला तथा योजना मन्त्रालयले वीरेन्द्रनगरमा आयोजना गरेको छलफलमा दीर्घकालीन विकास, मानव विकास सूचकाङ्क र कुल गार्हस्थ्य उत्पादनमा वृद्धि गर्ने तथा नागरिकको जीवनस्तर उकास्ने उत्पादनमुखी नीति तथा कार्यक्रम र बजेट तर्जुमा गर्ने विषयमा जोड दिइएको छ।