लालविक्रम थापा

प्रतिनिधिसभा सदस्य लालविक्रम थापाले सुनसरीस्थित बुढीखोलाको कटान नियन्त्रणका लागि बजेट विनियोजन गर्न सरकारसँग माग गरेका छन्। उनले पत्रकार महासंघ सुनसरी शाखाको भवन निर्माणका लागि पनि बजेट विनियोजन गर्न ध्यानाकर्षण गराए।

प्रतिनिधिसभाको बैठकमा सांसदहरूले शून्य समयमा विभिन्न समसामयिक विषयमा सरकारको ध्यानाकर्षण गराएका छन्। सांसदहरूले नाला निर्माण, ट्रमा सेन्टरको काम, बुढीखोलाको कटान नियन्त्रण, दूधको भुक्तानी, साना भन्सार सञ्चालन, सिँचाइ व्यवस्थापन, श्रमिकको पारिश्रमिक र सुक्खाग्रस्त क्षेत्रको समस्या समाधानका लागि तत्काल कदम चाल्न माग गरेका छन्।