सांसद थापाले बुढीखोला कटान नियन्त्रण र पत्रकार महासंघ भवन निर्माणका लागि बजेट माग गरे

राष्ट्रपति रामचन्द्र पौडेलले विश्वकै सर्वोच्च शिखर सगरमाथाको प्राकृतिक सौन्दर्य र हिमाली वातावरण जोगाउन सबै पक्ष जिम्मेवार बन्नुपर्ने आह्वान गरेका छन्। अन्तर्राष्ट्रिय सगरमाथा दिवसको अवसरमा आयोजित कार्यक्रममा उनले हिमाली सम्पदाको संरक्षण र सन्तुलित उपयोगबाट मात्र पर्यटन क्षेत्र मुलुकको आर्थिक विकासको आधार बन्न सक्ने बताए। राष्ट्रपति पौडेलले जलवायु परिवर्तनले हिमाली क्षेत्रमा पारेको असरप्रति चिन्ता व्यक्त गर्दै हिमाल जोगिए मात्र हिमाली पर्यटन टिकाउ हुने बताए।

म्याग्दीको धवलागिरी गाउँपालिका र ढोरपाटन शिकार आरक्ष क्षेत्रमा पाइने सङ्कटापन्न रेडपाण्डा (हाब्रे)को स्वास्थ्य अवस्था अध्ययन गर्न दिसा परीक्षण सुरु गरिएको छ। जैविक विविधता संरक्षण समाज नेपाल (वायोकस) नेपालले दातृ निकाय टोलेडोजुको सहयोगमा यो अध्ययन गरिरहेको छ। यस अध्ययनले रेडपाण्डाको पेट र आन्द्रामा हुने परजीवीको अवस्था पत्ता लगाउनुका साथै अनुमानित सङ्ख्या पहिचानमा पनि सहयोग पुग्नेछ।

रौतहटको चन्द्रपुर नगरपालिका–९ डुमरियामा किसानलाई मौसम पूर्वानुमान र बाली व्यवस्थापनमा सघाउ पुर्याउने उद्देश्यले कृषि तथा जलवायु मौसम मापन केन्द्र स्थापना गरिएको छ। केन्द्रले तापक्रम, वर्षा, हावाको गति जस्ता तथ्याङ्क संकलन गरी बाली लगाउने, सिँचाइ गर्ने र मल तथा औषधि प्रयोग गर्ने समयबारे जानकारी दिनेछ। यसले असिना, खडेरी, बाढी जस्ता प्राकृतिक प्रकोपको पूर्वसूचना प्रवाह गरी मानवीय क्षति न्यूनीकरणमा सहयोग गर्ने अपेक्षा गरिएको छ।