वन विभाग

नेपालमा आज विभिन्न जनचेतनामूलक कार्यक्रम गरी अन्तर्राष्ट्रिय जैविक विविधता दिवस मनाइएको छ । संयुक्त राष्ट्र सङ्घको आह्वानमा हरेक वर्ष मे २२ मा मनाइने यस दिवसको मुख्य उद्देश्य पर्यावरणीय सन्तुलन, वातावरण संरक्षण तथा दिगो विकासमा जैविक विविधताको महत्वबारे विश्वव्यापी चेतना फैलाउनु हो । यस वर्षको नारा ‘स्थानीय प्रयास, विश्वव्यापी प्रभाव’ रहेको छ ।

बागमती प्रदेश सरकारले हेटौँडामा आफ्नै स्थायी प्रशासनिक भवन निर्माण गर्ने तयारीका क्रममा सामुदायिक वनका पाँच हजारभन्दा बढी रुख कटान गर्न लागेको छ। यसका लागि वन विभागले अनुमति दिइसकेको छ र रुख छपानको काम सुरु भएको छ। यो एकीकृत प्रशासनिक संरचना निर्माणका लागि ३१.२ हेक्टर वन क्षेत्र प्रदेश सरकारलाई भोगाधिकार स्वरूप उपलब्ध गराइएको छ।