विशेष अदालत काठमाडौं

सर्वोच्च अदालतले नेपालमा विचाराधीन मुद्दामा विदेशमा रहेका नेपाली नागरिकलाई दूतावास वा कूटनीतिक निकायमा उपस्थित भई अनलाइनमार्फत बयान र वकपत्र गर्न सकिने आदेश जारी गरेको छ। न्यायाधीशद्वय हरि फुयाल र बालकृष्ण ढकालको संयुक्त इजलासले सूचना प्रविधिको प्रयोग गरी न्याय सम्पादनलाई सहज बनाउन यो निर्णय गरेको हो। यसअघि विशेष अदालतको एउटा इजलासले भ्रष्टाचार मुद्दामा विदेशबाट अनलाइन बयान दिन नसकिने राय दिएको थियो।

अख्तियार दुरुपयोग अनुसन्धान आयोगले नक्कली शैक्षिक प्रमाणपत्र प्रयोग गरी शिक्षक पदमा नियुक्ति लिएको आरोपमा कृष्णबहादुर खन्गाहाविरुद्ध विशेष अदालत काठमाडौंमा मुद्दा दायर गरेको छ। खन्गाहाले भारतको नागाल्याण्ड बोर्ड अफ स्कूल एजुकेसनबाट जारी भएको भनिएको झुट्टा कागजात पेश गरी अस्थायी र स्थायी शिक्षक पदमा नियुक्ति लिएको पुष्टि भएको छ।

अख्तियार दुरुपयोग अनुसन्धान आयोगले नक्कली शैक्षिक प्रमाणपत्र प्रयोग गरी शिक्षक पदमा नियुक्ति लिएको आरोपमा दुई शिक्षकविरुद्ध विशेष अदालतमा मुद्दा दायर गरेको छ। जुम्लाका भोजराज न्यौपाने र नवलपरासीका कृष्णबहादुर खन्गाहाले त्रिभुवन विश्वविद्यालय र भारतको नागाल्यान्ड बोर्ड अफ स्कुल एजुकेसनबाट जारी भएको भनिएका झुट्टा प्रमाणपत्र पेस गरी सरकारी सेवामा प्रवेश गरेको आयोगको दाबी छ।

अख्तियार दुरुपयोग अनुसन्धान आयोगले जुम्लाको पातारासी गाउँपालिकामा कार्यरत शिक्षक भोजराज न्यौपानेविरुद्ध नक्कली शैक्षिक प्रमाणपत्र पेश गरी नियुक्ति लिएको आरोपमा विशेष अदालत काठमाडौंमा मुद्दा दायर गरेको छ। आयोगका अनुसार न्यौपानेले त्रिभुवन विश्वविद्यालयबाट जारी भएको भनिएको प्रवीणता प्रमाणपत्र तह र स्नातक तहको नक्कली शैक्षिक प्रमाणपत्र पेश गरेको पाइएको छ।