शुक्लाफाँटा नगरपालिका

अत्यधिक गर्मी बढेपछि कञ्चनपुरका भीमदत्त र कृष्णपुर नगरपालिकाले विद्यार्थीको स्वास्थ्यलाई मध्यनजर गर्दै विद्यालयमा बिदा दिएका छन्। यी नगरपालिकाले गर्मी बिदाबाट कट्टा हुने गरी केही दिनका लागि पठनपाठन बन्द गर्ने निर्णय गरेका हुन्। शुक्लाफाँटा नगरपालिकाले पनि गर्मीको अवस्था हेरेर बिदा दिने विषयमा निर्णय गर्ने जनाएको छ।

कञ्चनपुरको शुक्लाफाँटा नगरपालिका-१० झलारीमा किसानको कृषिउपज बिक्रीलाई व्यवस्थित गर्न भौतिक पूर्वाधारसहितको हाटबजार निर्माण सुरु गरिएको छ। संघीय सरकारको २० लाख रुपैयाँ लागतमा १५ लाखको टिनसेट र ५ लाखको मेसवायर जडानको काम भइरहेको छ। यसले किसानलाई आफ्नै क्षेत्रमा उत्पादन बिक्री गर्न सहज बनाउने र उचित मूल्य सुनिश्चित गर्ने अपेक्षा गरिएको छ।

शुक्लाफाँटा नगरपालिकाले नगरवासीका लागि निःशुल्क शव चिस्यान (डेथ बडी फ्रिजर) सेवा सञ्चालनमा ल्याएको छ। नगरपालिकाले ठेक्का प्रक्रियामार्फत तीन लाख लागतमा उपकरण खरिद गरी यो मानवीय सेवा सुरु गरेको हो। यसका साथै, नगरपालिकाले आगामी असार मसान्तभित्र शववाहन सेवा सञ्चालनमा ल्याउने तयारी गरेको छ।