Photo · clickmandu.com
श्रीलंकाको कोलम्बोमा नेपाली दूतावास निर्माणका लागि नेपाल सरकारले खरिद गरेको करिब ८६ करोड रुपैयाँ मूल्य बराबरको जग्गा थाहै नदिई दुई पटक निजी व्यक्तिलाई बिक्री गरिएको महालेखा परीक्षकको प्रतिवेदनले खुलासा गरेको छ। सन् १९८९ मा खरिद गरिएको उक्त जग्गाको स्वामित्वसम्बन्धी स्पष्टता नहुँदा ३५ वर्ष बितिसक्दा पनि नेपाल सरकारले आधिकारिक जग्गाधनी पुर्जा प्राप्त गर्न सकेको छैन।
ईयूको कालोसूचीबाट नेपाल हट्ने सम्भावना: नागरिक उड्डयन प्राधिकरणको पुनःसंरचनामा जोड
युरोपेली संघ (ईयू) ले सन् २०१३ देखि कालोसूचीमा राखेको नेपालको हवाई सुरक्षालाई सुधार गर्न नागरिक उड्डयन प्राधिकरणको पुसभित्र पुनःसंरचना गर्ने तयारी भइरहेको छ। यस कदमले नेपाली जहाजहरूलाई युरोप उडानको बाटो खोल्ने अपेक्षा गरिएको छ, यद्यपि ईयूले विश्वसनिय आधार नभेटेको भन्दै प्रतिबन्ध कायमै राखेको छ।
-1780051606.jpg)
अर्थमन्त्री वाग्लेले सम्पत्ति शुद्धीकरणको ग्रे लिस्टबाट नेपाललाई तत्काल हटाउने बताए
अर्थमन्त्री डा. स्वर्णिम वाग्लेले नेपाललाई सम्पत्ति शुद्धीकरणको ग्रे लिस्टबाट यथासक्य छिटो हटाउने बताएका छन्। आगामी आर्थिक वर्ष २०८३/०८४ को बजेट प्रस्तुत गर्ने क्रममा उनले सो जानकारी दिएका हुन्।
अमेरिकाले २५० डलरको स्मारक नोटमा ट्रम्पको तस्बिर राख्ने तयारी, कानुन संशोधनको प्रस्ताव
संयुक्त राज्य अमेरिकाले स्वतन्त्रता घोषणाको २५०औँ वार्षिकोत्सवको अवसरमा २५० अमेरिकी डलरको स्मारक नोटमा राष्ट्रपति डोनाल्ड ट्रम्पको तस्बिर र हस्ताक्षर समावेश गर्ने प्रस्तावमा प्रारम्भिक डिजाइन तयार पारेको छ। यो योजना कार्यान्वयन गर्न हाल जीवित व्यक्तिको तस्बिर प्रयोग गर्न नपाउने १६० वर्ष पुरानो कानुन संशोधन गर्नुपर्नेछ, जसका लागि संसद्मा विधेयक दर्ता भएको छ। यद्यपि, नोट औपचारिक रूपमा जारी गर्ने वा नगर्ने अन्तिम निर्णय अमेरिकी संसद्बाट हुनेछ।
कूटनीतिक अनिश्चितताबीच रास्वपा सभापति रवि लामिछाने भारत भ्रमणमा
नेपाल-भारत सम्बन्धमा देखिएको कूटनीतिक अनिश्चितताका बीच राष्ट्रिय स्वतन्त्र पार्टी (रास्वपा) का सभापति रवि लामिछानेसहितको तीन सदस्यीय प्रतिनिधिमण्डल भारत भ्रमणमा जाने भएको छ। लामिछानेले भारतीय प्रधानमन्त्री नरेन्द्र मोदी र विदेशमन्त्री एस जयशंकरलगायत उच्च राजनीतिक नेतृत्वसँग भेट गर्ने तयारी छ। यो भ्रमण नेपालका प्रधानमन्त्रीको भारत भ्रमणको मिति तय हुन नसकेको र भारतीय विदेश सचिवको नेपाल भ्रमण रद्द भएको सन्दर्भमा हुन लागेको हो।
