Photo · gorkhapatraonline.com
पोखरा महानगरपालिका–१७ स्थित सेती नदीको खोँचबाट सशस्त्र प्रहरीले भारत घर भई घारीपाटन बस्ने ३४ वर्षीय मुकेश महतोको शव निकालेको छ। महतो जेठ १० गते राति नदीमा हाम फालेर बेपत्ता भएका थिए।
कपिलवस्तुमा यात्रुवाहक बस दुर्घटना हुँदा ३८ जना घाइते
कपिलवस्तुको महाराजगञ्ज नगरपालिका–४ बरइपुरस्थित तौलिहवा–बहादुरगञ्ज हुलाकी सडकखण्डमा काठमाडौंबाट सुर्खेत जाँदै गरेको कर्णाली प्रदेश ०२–००१ ख १२६६ नम्बरको बस अनियन्त्रित भई दुर्घटना हुँदा ३८ जना यात्रु घाइते भएका छन्। घाइतेमध्ये दुई जनाको अवस्था गम्भीर छ भने १९ जनाको मध्यम र १७ जनाको अवस्था सामान्य रहेको प्रहरीले जनाएको छ।
पोखरामा जमिन भासियो, घर र सडकमा क्षति
पोखरा महानगरपालिकाको नदीपुर क्षेत्रमा शुक्रबार बिहान जमिन भासिएको छ। यस घटनामा सडक, घरको आँगन र घरको भाग भासिएको छ। जमिन भासिँदा खानेपानी वितरणका लागि बिछ्याइएको पाइपसमेत फुटेको छ।
नुवाकोटमा सवारी दुर्घटनामा एक जनाको मृत्यु, दुई घाइते
नुवाकोटको छहरे–टोखा सडकखण्डअन्तर्गत शिवपुरी गाउँपालिका–६ गुर्जेभञ्ज्याङ नजिकै बिहीबार साँझ भएको सवारी दुर्घटनामा एक जनाको मृत्यु भएको छ। दुर्घटनामा गम्भीर घाइते भएका दुई जनाको काठमाडौँस्थित ग्राण्डी अस्पतालमा उपचार भइरहेको छ।
अमेरिकाको डलास सहरमा ग्यास विस्फोट: बालकसहित तीनको मृत्यु, भवन ध्वस्त
अमेरिकाको टेक्सास राज्यको डलास सहरमा भएको प्राकृतिक ग्यास विस्फोटमा परी एक बालकसहित तीन जनाको मृत्यु भएको छ। ओक क्लिफ क्षेत्रमा भएको यस विस्फोटले एक आवासीय भवन पूर्ण रूपमा ध्वस्त पारेको छ भने अन्य कैयौँ व्यक्ति घाइते भएका छन्। अधिकारीहरूले भग्नावशेष हटाउने र हराइरहेका व्यक्तिको खोजी कार्य जारी राखेका छन्।
