11 स्रोत · 12 समाचार

सुरु 4 दिन अघि · अपडेट 3 दिन अघि

गुप्तेश्वर गुफामा पर्यटकको उल्लेख्य भीड, एक दिनमा पाँच लाखभन्दा बढीको टिकट बिक्री

Photo · prasashan.com

पोखरा-१७ छोरेपाटनमा रहेको ऐतिहासिक, धार्मिक र पुरातात्त्विक गुप्तेश्वर गुफामा जेठ १० गते आइतबार एकै दिनमा छ हजार ७८ जनाले टिकट काटेर अवलोकन गरेका छन्। यसबाट गुफा व्यवस्थापन समितिले पाँच लाख २५ हजार ७१५ रुपैयाँ आम्दानी गरेको छ। गुफा कार्यालय प्रमुख नारायण पौडेलका अनुसार गर्मी बढेसँगै पोखरामा पर्यटकको चाप बढेकाले गुफाको आकर्षण बढेको हो।

• गुफा अवलोकनका लागि आन्तरिक पर्यटकलाई रु ५०, बाह्य पर्यटकलाई रु १०० र विद्यार्थीलाई रु ३५ को टिकट व्यवस्था गरिएको छ।
• गुफाभित्रको शिवमूर्तिको दर्शन र पातले छाँगो (डेभिजफल) झरनाको दृश्यले पर्यटक आकर्षित भएका छन्।
• गुफाले तीन दशकदेखि आम्दानीको केही अंश गुफा संरक्षण, प्रवद्र्धन र शैक्षिक क्षेत्रमा लगानी गर्दै आएको छ।
• गुफाले गुप्तेश्वर महादेव बहुमुखी क्याम्पस सञ्चालन गर्नुका साथै गुरुकुल र सामुदायिक विद्यालयलाई समेत सहयोग गर्दै आएको छ।