Photo · www.makalukhabar.com
राष्ट्रियसभाका अध्यक्ष नारायणप्रसाद दाहालले बकर इद (इद–उल–अजहा) पर्वले धार्मिक तथा सांस्कृतिक सद्भावलाई सुदृढ बनाउने विश्वास व्यक्त गरेका छन्। उनले यस पर्वले आपसी एकता, भाइचारा र सामाजिक सहकार्यको भावना अभिवृद्धि गर्न प्रेरणा प्रदान गर्ने कामना गरेका छन्। अध्यक्ष दाहालले नेपालको संविधानले परिभाषित गरेको बहुजातीय, बहुभाषिक, बहुसांस्कृतिक तथा बहुधार्मिक विशेषतासहितको राष्ट्रमा विविधताबीचको एकता नै राष्ट्रिय शक्ति र सभ्यताको पहिचान भएको बताएका छन्।
बाँकेमा बकर ईद धुमधामका साथ मनाइयो, सामूहिक नमाज पढियो
इस्लाम धर्मावलम्बीहरूको दोस्रो ठूलो पर्व ईद–उल–अजहा (बकर ईद) बाँकेमा विभिन्न धार्मिक कार्यक्रमका साथ बिहीबार धुमधामले मनाइयो। त्याग, बलिदान र कुर्बानीको पर्वका रूपमा चिनिने यो पर्व तीन दिनसम्म मनाइन्छ। नेपालगन्जस्थित मुख्य ईदगाहमा सामूहिक नमाजका लागि ठुलो सङ्ख्यामा मुस्लिम समुदाय पुगेका थिए।
एमाले अध्यक्ष ओलीद्वारा बकर इदको शुभकामना, धार्मिक सहअस्तित्वमा जोड
नेपाल कम्युनिष्ट पार्टी (एमाले) का अध्यक्ष केपी शर्मा ओलीले स्वदेश तथा विदेशमा रहेका सम्पूर्ण नेपाली मुस्लिम समुदायमा बकर इदको शुभकामना व्यक्त गरेका छन्। शुभकामना सन्देशमा उनले नेपाल विविध आस्था, संस्कार र सभ्यताको संगम भएको र यहाँका विभिन्न धार्मिक स्वरहरू सहअस्तित्वको सङ्गीत बनेर गुञ्जिएको बताएका छन्। ओलीले नेपालको शक्ति विविधताबीचको एकता र सहिष्णुतामा रहेको उल्लेख गरेका छन्।
गगन थापाले बकर ईदको शुभकामना दिँदै नेपाललाई बहुजातीय राष्ट्र भने
नेपाली कांग्रेसका सभापति गगन थापाले बकर ईद (ईद–उल–अज्हा) का अवसरमा शुभकामना सन्देश जारी गर्दै नेपाल बहुजातीय, बहुभाषिक, बहुधार्मिक तथा बहुसांस्कृतिक विशेषताले सम्पन्न राष्ट्र भएको बताएका छन्। उनले बकर ईदले नेपाली समाजमा आपसी प्रेम, सद्भाव, सहकार्य र सामाजिक एकताको भावना अझ सुदृढ बनाउने विश्वास व्यक्त गरे।
विश्वभर मुस्लिम समुदायले बकर इद मनाउँदै, नेताहरूले शुभकामना व्यक्त
इस्लाम धर्मावलम्बीहरूको महान पर्व बकर इद (ईद–उल–अजहा) विश्वभर हर्षोल्लासका साथ मनाइँदैछ । यस पर्वले त्याग, समर्पण, सहिष्णुता, आपसी सद्भाव र मानव सेवाको सन्देश बोकेको छ । कोशी प्रदेशका मुख्यमन्त्री हिक्मत कार्की, नेपाली कांग्रेसका सभापति गगन थापा र सभामुख डोलप्रसाद अर्यालले यस अवसरमा शुभकामना व्यक्त गर्दै यस पर्वले सामाजिक एकता र भाइचारा सुदृढ पार्ने विश्वास व्यक्त गरेका छन् ।
