हुम्लाको डाँफे आधारभूत विद्यालय बाढीले बगाएपछि खुला चौरमा पठनपाठन

काठमाडौं महानगरपालिकाले नदी किनारका सुकुम्बासी बस्ती हटाएसँगै यस वर्ष नदीजन्य विपद्का घटनामा कमी आउने अपेक्षा गरेको छ। नगर प्रहरी वरिष्ठ उपरीक्षक विष्णुप्रसाद जोशीका अनुसार विगतका वर्षमा बाढीजन्य घटना बढी हुने स्थानमा बसोबास हटाइएपछि यस वर्ष छिटफुट घटनाबाहेक कमी आउने विश्वास छ। सामाखुसीदेखि खाडीपाखासम्म भने सावधानी अपनाउनुपर्ने छ।

रौतहटको चन्द्रनिगाहपुरमा महेन्द्र राजमार्गमा यात्रुवाहक बसले विपरीत दिशाबाट आउँदै गरेको मोटरसाइकललाई ठक्कर दिँदा मोटरसाइकल चालक शेख गुलामको घटनास्थलमै मृत्यु भएको छ। प्रहरीले बस चालक लक्ष्मीभक्त ओझा र बसलाई नियन्त्रणमा लिएको छ।

भोजपुरमा मनसुनजन्य प्रकोप तथा अन्य विपद्बाट हुने धनजनको क्षति न्यूनीकरण गर्ने उद्देश्यले नेपाली सेनाको नयाँ श्रीनाथ गणको आयोजनामा ‘अभ्यास मनसुन–छ’ सञ्चालन गरिने भएको छ । यो अभ्यास भोजपुर नगरपालिका–५, बोखिम तथा सदरमुकामको टुँडिखेल क्षेत्रमा नेपाल प्रहरी, सशस्त्र प्रहरी बल नेपाल र अन्य सरोकारवाला निकायहरूको समन्वयमा गरिनेछ । अभ्यासमा पहिरो, आगलागी, भूकम्प तथा सडक दुर्घटनाजस्ता विपद् अवस्थाहरूमा उद्धार, खोज तथा व्यवस्थापनका प्रक्रियाहरू अभ्यास गरिनेछन् ।

कजाकिस्तानको उत्तर-पूर्वी पाभ्लोडार क्षेत्रमा पर्ने झेलेजिन्का गाउँ नजिक बुधबार हवाई कृषि-रसायन छर्कने कार्यमा प्रयोग भइरहेको एक विमान नियमित उडानको क्रममा दुर्घटनाग्रस्त भएको छ। प्रारम्भिक जानकारीअनुसार, दुई जना चालक दलका सदस्यसहित उडिरहेको विमान अचानक विद्युत् प्रसारण लाइनमा ठोक्किएपछि दुर्घटना भएको हो। उक्त दुर्घटनामा एक जना चालक दलका सदस्यको घटनास्थलमै मृत्यु भएको छ भने अर्का सदस्य गम्भीर घाइते भएका छन्।