Photo · www.makalukhabar.com
काठमाडौंको ठमेल क्षेत्रमा विदेशी तथा स्वदेशी पर्यटक र सर्वसाधारण पुरुषलाई अश्लील क्रियाकलाप गरी हैरानी दिने नौ विदेशी नागरिक पक्राउ परेका छन्। प्रहरी वृत्त लैनचौरबाट खटिएको टोलीले उनीहरूलाई ठमेल क्षेत्रबाट पक्राउ गरेको हो। जिल्ला प्रहरी परिसर काठमाडौँका प्रहरी उपरीक्षक पवनकुमार भट्टराईका अनुसार, पर्यटक तथा सर्वसाधारण पुरुषलाई बाटो छेकी अश्लील क्रियाकलापसम्बन्धी मोलमोलाइ गरी दुःख दिइरहेको अवस्थामा उनीहरूलाई पक्राउ गरिएको हो।
वीरगञ्जका मेयर राजेशमान सिंहविरुद्ध किर्ते मुद्दामा पक्राउ पुर्जी जारी
जिल्ला अदालत पर्साले वीरगञ्ज महानगरपालिकाका मेयर राजेशमान सिंहविरुद्ध लिखतसम्बन्धी कसुर (किर्ते) मुद्दामा पक्राउ पुर्जी जारी गरेको छ। अदालतले प्रहरीलाई अनुसन्धानका लागि पक्राउ गरी अनुसन्धान अघि बढाउन अनुमति दिएको हो। आरोप अनुसार सिंहले नक्कली कागजात प्रयोग गरी अर्काकी छोरीलाई आफ्नो छोरी बनाई नागरिकता जारी गराएको दाबी गरिएको छ।
इन्टरपोलद्वारा १५ नेपालीविरुद्ध मानव तस्करी, आतंकवाद र हत्या अभियोगमा रेड नोटिस जारी
अन्तर्राष्ट्रिय अपराध प्रहरी संगठन (इन्टरपोल) ले अमेरिका, भारत र केन्याको अनुरोधमा मानव तस्करी, आतंकवाद, ठगी, जबर्जस्ती करणी र हत्या जस्ता गम्भीर अपराधमा संलग्न १५ नेपाली नागरिकविरुद्ध विश्वव्यापी खोजी तथा पक्राउका लागि रेड नोटिस जारी गरेको छ। यस सूचीमा मानव तस्करी र अध्यागमन कानुन उल्लंघनको आरोपमा केन्याले खोजी गरिरहेका विक्रान्त थापा र वीरबहादुर मगर तथा आतंकवादी गतिविधि र नक्कली नोट कारोबारमा संलग्न रहेको आरोपमा भारतले खोजी गरिरहेका नूर मोहम्मद अन्सारी जस्ता व्यक्तिहरू समावेश छन्।
रौतहटमा मदिरा सेवन गरी कुटपिट गर्दा युवकको मृत्यु, एक पक्राउ
रौतहटको चन्द्रपुर नगरपालिका–४ मा मदिरा सेवन गरेका विमल मोक्तानले बाटोमा हिँडिरहेका विष्णु सुवेदीलाई कुटपिट गर्दा सुवेदीको मृत्यु भएको छ । घाइते सुवेदीको उपचारका क्रममा मृत्यु भएको हो । प्रहरीले मोक्तानलाई पक्राउ गरी घटनाबारे थप अनुसन्धान गरिरहेको छ ।
चोर प्रेम थारूविरुद्ध सम्पत्ति शुद्धीकरण मुद्दा दायर, भेप व्यापारी र मेयर सिंह पक्राउ पुर्जी जारी
बाँकेका प्रेम थारूविरुद्ध चोरीबाट कमाएको ६ करोडभन्दा बढी सम्पत्ति शुद्धीकरणको मुद्दा काठमाडौं जिल्ला अदालतमा दायर गरिएको छ । यसैबीच, अवैध भेपको कारोबारमा संलग्न नविन खड्कालाई प्रहरीले नियन्त्रणमा लिएको छ भने वीरगञ्जका मेयर राजेशमान सिंहविरुद्ध लिखतसम्बन्धी कसुरमा पक्राउ पुर्जी जारी भएको छ ।
